Why is this blog dead!? Wake up!! Wake up!!

Hindi Movie ‘MAA’ style (white sari, messy hair, tears):

Main tumhare haath jodti hoon, bhagwaan ke liye is blog ko marne se bacha lo.

Hindi News Channel Style (daraawni daadhi et al):

Aapne aadmi ko marte dekha hoga,
Aapne jaanwar ko marte dekha hoga,
Aapne ped ko marte dekha hoga,
Par kabhi ek blog ko marte dekha hai?
Dekhiye humaara sansanikhej khulasa…
EK BLOG KI MAUT!

All India Radio Style (heavily accented and all serious):

Aur ab samachar. Gopaneeya sutron se pata chala hai ki ek blog, jo ki dps dwarka ke kuch chanchal baalakon ne shuru kiya tha, ab maut ki kagaar par aa khada hua hai. Iski sahayta ke liye aap ‘Blogger Marauders Bachaav Samiti’ se sampark kar sakte hain. Inka number hai…

Ba-Tulsi Virani Style (expressions not allowed)

Ba: Is blog ke phale phoole aangan mein ab kaante kyun dikh rahe hain tulsi? Ab main kuch hi din ki mehmaan hoon… (safed jhooth!!) meri aakhri ichchha hai ki apne par-par-par-par-par-pote-potiyon ke posts dekhoon.

Tulsi: Ba, jab bheeshma pitamah baanon ki shaiyya par lete the, toh unhein bhi takleef toh bahut hui hogi, par unhone tab tak mrityu ko gale nahin lagaya jab tak unhone apne kukarmon ka prayashchit poora nahin kar liya… (= tumne itne saal public ko pakaya, it’s payback time!!)

Goel Style (yes, ít’s me!)

Ok sorry, last waala over ho gaya.... :P

Arrey bring it back yaar!! We’ve all grown up yes… but this blog was here so we could all be in touch even after we go our separate ways!!! Let’s bring it back on its feet… kyun bhai log (and an occasional bhen log bhi, although matrix fits the bhai log category :P)….